السلام عليكم

[عساف]

السلام عليكم ورحمة الله وبركاته


/
\
/



قصيده راائعه للشاعر متعب التركي .






ياسعود لاتنشد .. ترا ماني مجيب
______________ خل الذي خافي له شهور خافي

إن شفتني مغتاض لي حق ومصيب
______________ ياسعود مزعلني جديد اكتشافي

الغالي اللي كان من قلبي قريب
______________ بيني وبينه صار مثل التجافي

إن قلت زله مثلنا زلته عيب
______________ من قالك شمس الضحى ماتشافي

إن قلت هقوه يمكن تصيب وتخيب
______________ كم لي سنه .. ماشفت فيه اختلافي

وإن صار في نفسه بعض شكه وريب
______________ حتى البحر ماهو على طول صافي

صرنا من الصدّه سوات المصاويب
______________ كلن نقل جرحه وقال امتعافي

اصعب فراق فراق عكف الاشانيب
______________ ماهو فراق لابسات الغذافي

والذيب لامنه عوى جاوبه ذيب
______________ والعلم حامض بس وين الاشافي

دامه لقى له غير قلبي معازيب
______________ الله يسمح درب هاك السنافي

يروح لايرجي رسول ومكاتيب
______________ هو خابر اني ماتلفت خلافي

واللي تعلّى فوق روس المراقيب
______________ اكيد ماتسفي عليه السوافي

رح بشر اللي شال شلفا تريحيب
______________ قله تراها كلّبوها عوافي

اليوم نفسي طابت وباكر يطيب
______________ جرحي .. لو انه من يدين لمشافي

خلصت والدنيا دروس وتجاريب
______________ سجل يابو عبدالعزيز اعترافــــي ... !






للشاعر // متعب التركي




محبكم

[المستجير]

دامه لقى له غير قلبي معازيب
______________ الله يسمح درب هاك السنافي

يروح لايرجي رسول ومكاتيب
______________ هو خابر اني ماتلفت خلافي

واللي تعلّى فوق روس المراقيب
______________ اكيد ماتسفي عليه السوافي



الله الله

صح لسان الشاعر جزله ولاتجيب غير الجزل ياعساف لاهنت


تقبل تحياتي

دمت بود.....

[رأس الحكمة]

صــــــــــــــــــــــــــــــح لسانـــــــــــــــــــــــك




قصيـــــــــــــــــــــــــــدة رائعـــــــــــــــــــة




مشكــــــــــــــــور علـــــــــــــــــــى الموضــــــــوع

[حفيد العتيق]

السلام عليكم و رحمة الله و بركاته


بارك الله فيك أخي الفاضل عساف على هذه المشاركة .


جزاك الله كل خير و لا حرمك الله الأجر .